പൊൻമള
ഗ്രാമ പഞ്ചായത്ത്

ഫലഭൂയിഷ്ഠമായ മണ്ണുള്ള 'പൊന്ന് വിളയുന്ന ഗ്രാമം' എന്ന അർത്ഥത്തിലാണ് പൊന്മള എന്ന പേര് ഈ പ്രദേശത്തിന് ലഭിച്ചത്. പന്ത്രണ്ട് നൂറ്റാണ്ടുകാലത്തെ ജന്മി-നാടുവാഴി ചരിത്രമുള്ള ഈ പ്രദേശം പഴയ കാലത്ത് സാമൂതിരി രാജാവിന്റെ നെടിയിരുപ്പ് സ്വരൂപത്തിന്റെ ഭാഗമായിരുന്നു. മദ്രാസ് സംസ്ഥാനത്തിന് കീഴിലായിരുന്ന ഇവിടെ 1921-ലെ ഖിലാഫത്ത് പ്രസ്ഥാനവും 1930-കളിലെ ഇന്ത്യൻ നാഷണൽ കോൺഗ്രസ് പ്രവർത്തനങ്ങളും ദേശീയബോധം വളർത്തുന്നതിൽ നിർണ്ണായക പങ്കുവഹിച്ചു. മുഹമ്മദ് അബ്ദുറഹിമാൻ സാഹിബ്, എ.വി. കുട്ടിമാളു അമ്മ തുടങ്ങിയ നേതാക്കളുടെ സാന്നിധ്യം ഈ പ്രദേശത്തെ സാമ്രാജ്യത്വ വിരുദ്ധ പോരാട്ടങ്ങൾക്ക് കരുത്തേകി. സാമൂഹിക അനാചാരങ്ങൾക്കും ജന്മിത്വത്തിനുമെതിരെ നടന്ന പോരാട്ടങ്ങൾക്കൊപ്പം ബാപ്പുജി സ്മാരക വായനശാല, ശ്രീധരൻ നമ്പീശൻ വായനശാല തുടങ്ങിയ സ്ഥാപനങ്ങൾ ജനങ്ങളിൽ അക്ഷരവെളിച്ചവും അവകാശബോധവും പകർന്നു. വൈദിക പണ്ഡിതനായിരുന്ന പരമേശ്വരൻ മൂസ്സത്, നിയമപണ്ഡിതൻ കൃഷ്ണൻ മൂസ്സത്,...